En mann i dress står foran publikum, han er engasjert og snakker til de. — Statssekretær Even Tronstad Sagebakken frå Nærings- og Fiskeridepartementet opna Mareano sin jubileumskonferanse.
Foto: Sissel Kanstad / Kartverket

– For å kunne ta kloke avgjersler treng vi kunnskap

Det sa statssekretær Even Tronstad Sagebakken frå Nærings- og Fiskeridepartementet då han opna Mareano sin jubileumskonferanse.

Publisert: 29.10.2025 Forfatter: Beate Hoddevik, Havforskingsinstituttet

– Gratulerer så mykje med jubileet. Det er 20 år sidan Mareano såg dagens lys – de har mykje å feire og mykje å være stolte av. De vise i praksis kva ein kan få til når ulike fagmiljø i verdsklasse foreinar kreftene, innleia han med då han sist veke opna Mareano sin jubileumskonferansen.

Bilde av publikum som fyller ein sal. Det er omtrent 100 personar på bildet. — Over 100 personar deltok då Mareano arrangerte konferanse tidlegare i oktober. I tillegg deltok over 450 digitalt.
Foto: Sissel Kanstad / Kartverket

Nærbilde av fire personar som sit ved sidan av kvarandre og følger med på noko utanfor bildet. — F.v.: Tidlegare leiar i Mareano si styringsgruppe, Ove Hokstad (NFD), noverande leiar av styringsgruppa, Olav Norheim (NFD), statssekretær i Nærings- og fiskeridepartementet, Even Tronstad Sagebakken og leiar i Mareano si programgruppe, Siri Sorteberg (Miljødirektoratet).
Foto: Sissel Kanstad / Kartverket

Ein mann står foran publikum og snakkar i mikrofon. Bak han på veggen er det skjermar med spørsmål og svaralternativ. — John Morten Klingsheim (Kystverket) leia publikum gjennom quizen som innehaldt spørsmål om både Mareano og litt anna.
Foto: Sissel Kanstad / Kartverket

Ein mann står foran publikum og snakkar. — Geir Klaveness (KLD) har vore med i Mareano si styringsgruppe i ei årrekke.
Foto: Sissel Kanstad / Kartverket

Ein mann snakkar foran publikum. — Tidlegare leiar i Mareano si styringsgruppe, Ove Hokstad (NFD), oppsummerte konferansen.
Foto: Sissel Kanstad / Kartverket

I år er det heile 20 år sidan kartlegginga av norsk havbotn starta gjennom Mareano-programmet. Det vart markert på Mareano-konferansen sist veke, der over 100 deltok fysisk og 450 følgde med via skjerm.

Deltakarane fekk mellom anna høyre om Tromsøflaket – der alt byrja, litt om korleis det enorme isdekket under istida har satt spor på havbotnen vår og om havgrisen Elpidia – og endå mykje meir både om kva data som finnast, korleis dei blir brukt og litt om Mareano både nasjonalt og internasjonalt.