Terrenmodell som viser havbunnslandskap i Nordsjøen. Kilde: Kartverket / Mareano — Terrengmodell av havbotn i området Sørleg Nordsjø 2. Oppløysing på modellen er 2 meter mellom djupnepunkta. Datasett og terrengmodellar er tilgjengeleg for nedlasting på Geonorge.no.
Foto: Kartverket/Mareano

Djupnedata frå Sørleg Nordsjø 2 er publisert

Terrengmodellar frå havvindområdet Sørleg Nordsjø 2, både karttenester og datasett, er publisert i Kartverkets tenester.

Publisert: 16.01.2024 Oppdatert: 29.01.2024 Forfatter: Hanne Hodnesdal, Kartverket

Sokkeldirektoratet (tidlegare Oljedirektoratet) har i 2022 og 2023 samla inn fleire datasett i det opna havvindområdet Sørleg Nordsjø 2. Dette er djupnedata som Mareano vil bygge vidare på i naturkartlegging av havbotn.

Karttenester og datasett

Mareano har fått tilgang på terrengmodellar av havbotn (batymetri) frå fase éin i Sørleg Nordsjø 2 frå Sokkeldirektoratet. Terrengmodellane er no inkludert i Kartverkets datasett og tenester for terrengmodellar for norske kyst- og havområde.

Kartutsnitt som viser publiserte dybdedata i Sørlig Nordsjø 2. Kilde: Kartverket/Mareano — NORDSJØEN: Dei grøne boksane markerar områda kor feltarbeid er gjennomført i 2023. Data som er publisert er markert med oransj ramme og er frå fase éin av kartlegging i området Sørleg Nordsjø 2. Kjelde: Kartverket / Mareano Kjelde: Kartverket / Mareano

Karttenester:

Kartteneste (WMS) som viser skyggerelieff og farga djup: Dybdedata skyggerelieff grå WMS - Kartkatalogen (geonorge.no)
Kartteneste (WCS) som tillét analyse og nedlasting av data: Dybdedata terrengmodeller DTM WCS - Kartkatalogen (geonorge.no)

Datasetta er også tilgjengeleg for nedlasting på Geonorge.no med 5, 25 og 50 meters oppløysing. Det er desse datasetta som er grunnlaget for karttenestane nemnt over.

Datasett:

Velg cellane NHS-D0309, NHS-D0310, NHS-D0409 for å laste ned datasetta på Geonorge.no.

Terrengmodellen finst også i 2 meters oppløysing. Tilgang til desse må bestillast hos Kartverket via sjodata@kartverket.no.

Data frå Sørleg Nordsjø 2 er utanfor territorialgrensa og er ugraderte.

Dekningskart

Karttenester som viser dekning av norske kyst- og havområde som har blitt djupnekartlagt.

Dybdedata dekning WMS (geonorge.no)
Dybdedata dekning WFS (geonorge.no)

Meir data kjem

Meir data, djupnekartlagt av Sokkeldirektoratet, frå havvindområda Sørleg Nordsjø 2 og Utsira Nord, vil bli publisert når Kartverket får tilgang til desse.

Mareano vil bygge vidare på datasetta frå Sokkeldirektoratet for å kartlegge naturmangfaldet på havbotn. Dette blir gjennomført med tokt i regi av Havforskingsinstituttet og Norges geologiske undersøking i 2024.

Les meir på sodir.no: Havvinddata tilgjengelige i Diskos